BERLIN-CHEMIE

Përkushtuar kujdesit shëndetësor

BERLIN-CHEMIE është një prodhues inovativ i barnave i njohur në nivel ndërkombëtar me një traditë të pasur. Që nga viti 1992, BERLIN-CHEMIE ka qenë pjesë e Grupit Menarini që ka operuar në nivel global, i cili ka qenë lider në tregun farmaceutik italian për dekada të tëra. Kompania, e cila u themelua në Napoli në vitin 1886 dhe ka selinë në Firence, është zhvilluar nëpër breza në një kompani farmaceutike të administruar nga familja dhe që operon në nivel global. Në kuadër të Grupit Menarini, BERLIN-CHEMIE është përgjegjëse për biznesin farmaceutik në Gjermani, Evropën Lindore dhe në rajonin e Bashkësisë së Shteteve të Pavarura. Përveç kësaj, Berlin është një nga vendet qendrore kërkimore të Grupit.

Rritje dinamike, produkte mjekësore të reja dhe një përvojë e çmuar që përfshin disa breza janë marka të BERLIN-CHEMIE. Në Berlin-Adlershof, historia jonë fillon në vitin 1890. Punonjësit tanë janë pjesërisht nga familje të cilat tashmë janë përfshirë në zhvillimin, prodhimin dhe tregtimin e produkteve mjekësore prej pesë brezash. Ne mbajmë një marrëdhënie veçanërisht të ngushtë me zyrën tonë qendrore në Berlin, në të cilën jemi përkushtuar plotësisht.

Në të njëjtën kohë, ne jemi një kompani kozmopolite. Gjithsej, ne punësojnë më shumë se 5.000 persona nga mbi 70 kombe. Për më tepër, formimi profesional ka qenë një traditë për shumë dekada në BERLIN-CHEMIE dhe është vlerësuar disa herë me çmime nga Dhoma e Industrisë dhe Tregtisë. Kjo shumëllojshmëri është një nga pikat tona më të forta.

Eksperienca e BERLIN-CHEMIE

Në vitet e fundit, BERLIN-CHEMIE ka arritur ritme rritjeje që kanë tejkaluar zhvillimin e tregut farmaceutik. Ky rezultat i shkëlqyer konfirmon strategjinë e BERLIN-CHEMIE dhe MENARINI-t, e cila ndjek sidomos zhvillimin e produkteve mjekësore të reja. Duke bërë kështu, ne i japim rëndësi më të madhe trajnimit të gjerë dhe cilësisë së punës së forcës tonë shkencore të shitjeve. Në sajë të kësaj përpjekje të vazhdueshme BERLIN-CHEMIE gëzon një reputacion të shkëlqyer në sektorin e kujdesit shëndetësor, sidomos me mjekët e përgjithshëm dhe specialistët.

Në përgjithësi, BERLIN-CHEMIE furnizon me barna më shumë se 30 kombe dhe ka filiale në më shumë se 26 shtete. BERLIN-CHEMIE është një nga prodhuesit kryesorë të barnave në Evropën Lindore dhe në rajonin e Bashkësisë së Shteteve të Pavarura. Falë pranisë së saj historike në rajon, BERLIN-CHEMIE krenohet me eksperiencën shumë vjeçare në tregun lokal, një rrjet të sofistikuar shpërndarjeje dhe një impiant modern prodhimi në Kaluga, Rusi.